amalinks wokungena

Breaking News

Inhloko Zendaba Nhlolanja 04, 2022


Uhlangothi olubona ngezemihloliso olwe Zimbabwe Schools Examination Council (ZIMSEC) solwethule impumela yemihloliso kaGrade 7 elotshwe nyakenye ngo2021.

Babikwa sebeyizigidi ezedlula ezine(4,3milllion), asebehlatshwe ijekiseni yakuqala yokuzivikela kuCovid 19. Kuthi asebehlabe amabili bayizigidi ezedlula ezintathu(3,3million). Abazinkulungwane ezedlula ezingamatshumi edlula ayisithupha(62,788), bahlatshwa ijekiseni lesithathu. Kuphetha usuku lwayizolo kulabantu abangamakhulu phose amabili-158, ababafunyenwe beleCOVID-19 kwabhubha abahlanu(5), kubika abogatsha lwezempilakahle.

Umphathintambo wezemali, uMnu. Mthuli Ncube namuhla wethule imigoqo athi izaphathisa ekukhuthazeni kokusetshenziswa kwedola leZimbabwe. Imigoqo le ibalisa ukuthi ingxenye yemithelo yemigodi, ama mining royalties, isizabhadalwa ngedola leZimbabwe. Uthi njalo umthelo we duty owemota ezithengwe phandle kwelizwe layo ingxenye isizabhadalwa ngedola le Zimbabwe.

Umkhankaso wekhomishini ebona ngezokhetho eyeZimbabwe Electoral Commission wokulanda abantu endaweni abakizo ukuze babhalisele ukuVota ubikwa uqale malombolombo ngoba ezinye indawo azibhalisanga ngitsho umuntu oyedwa. lzakhamuzi zithi kumele kubelendlela ezintsha zokukhuthaza intsha ukuthi ibhaliselr ukuvota.

KuLivetalk namuhla namhlanje sikhangela uhlelo lokubhalisa abantu ukuthi bathole ilungelo lokuvota lamalungiselelo okuvulwa kwezikolo ilizwe njengawowonke amazwe limelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG