Endabeni zethu lamhlanje ……………..
****** Ibandla leZanu PF limisa abasakhulayo balo uLewis Matutu loGodfrey Tsenengamu, ukuba ngamalunga okomnyaka kulandela ukuveza kwabo amagama eziphathamandla zaleli bandla ukuba ziphatheka emkhubeni wenkohlakalo.
***** Abenhlanganiso ezimela amalungelo kazulu kunhlangothi ezehlukeneyo zempilo, koBulawayo babuthanise izakhamizi zakulelo dolobho, banxusa lengcitshi zemithetho ngenhloso yokuthi bahluzisise kabanzi inguquko efuna ukufakwa kusisekelo sombuso ngabebandla leZanu PF, phansi komthetho osacandwayo oweConstitutional Ammendment Bill..
****** Idale leSenate lakweleMelika likhangelelwe ukwethula isinqumo namhlanje emacaleni ayetheswa uMongameli Donald Trump ngabebandla lamaDemocrats.
****** Umthethwandaba weHigh Court namuhla wethule isinqumo sokuthi umkamsekeli kaMongameli welizwe uMarry Mubaiwa Chiwenga kamelanga abuyele endlini lapho okuhlala khona umyeni wakhe uMnu Constantino Chiwenga ngoba lokhu kungafaka impilo kaChiwenga engozini.
****** KuLiveTalk namhlanje kuhlelo “Diaspora Forum” sikhangela okubhekane lezizalwane zeZimbabwe esezihlala kwamanye amazwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.