Endabeni zethu lamhlanje ……………..
****** Ele China lithi izizalwane ze Zimbabwe ezikulelozwe kazikho engozini enkulu yokuthelelwa umkhuhlane weCoronavirus osubulele abantu abedlula amakhulu ayisikhombisa.
***** Inxabanxoza ebandleni leZanu PF iqhubekela phambili ngemva kokumiswa kwezinye iziphathamandla zohlangothi lwabasakhulayo ukuba ngamalunga okomnyaka wonke ngemva kokuba beveze amagama eziphathamandla zaleli bandla eziphatheka kunkohlakalo.
****** Amalunga edale leSenate lakweleMelika avote esekela isinqumo sokuthi uMongameli Donald Trump atholakale emsulwa emacaleni wonke akade ewetheswa ngabebandla lamaDemocrats.
****** Ugatsha lwezemfundo kweleSouth Africa selwethule umlayezo oxwayisa izikolo ukuthi zemukele abantwana bakwamanye amazwe loba bengelamaphepha okuba kweleSouth Africa ngokusemthethweni njengokutsho kwesinqumo esethulwe ngumthethwandaba we High Court.
****** KuLiveTalk namhlanje kuhlelo “Asiyihluzeni Bomama” sikhangela okubhekane labesifazana ngalezi zikhathi zobunzima obubangelwa yikungamanga kuhle komumo womnotho elizweni. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.