Endabeni zethu lamhlanje ……………..
****** Osakhulayo osanda kumiswa ukuba lilunga leZanu PF, uGodfery Tsenengamu ukhuthaza inkokheli yamabandla amabili amakhulu ezombusazwe aphikisanayo, umnumzana Emmerson Mnangagwa oweZanu PF loMnu. Nelson Chamisa oweMDC ukuthi baxoxisane lozulu kudingwe indlela yokulungisisa isimo sezombusazwe elizweni.
***** UMongameli Emmerson Mnangagwa ulubhekise kweleEthiopia ukuyangena umhlangano womanyano wamazwe awezwekazi labensundu, owe African Union.
****** Inhlanganiso yenguqu elizweni eyeZimbabwe Football Association isikhuthazwe ukuba ingavumeli abadlali asebekhulile ukudlala kuzigaba ezingaphansi ngoba sebebanengi asebekhulile asebetholakala kulezozigaba kulokuba kutholakale abasakhulayo.
****** KuWoza Friday liviki silomculi womdumo wengoma zokholo uAudrey Chenhai, yena oqhuba umsebenzi wakhe esedolobheni lakoBulawayo.
****** KuLiveTalk namhlanje sikhangela okwenzakala kwezombusazwe kweleZimbabwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.