amalinks wokungena

Breaking News

Inhloko Zendaba Nhlolanja 07, 2022


***Inengi lababalisi eZansi yemaNdebeleni libikwa lingenelisanga ukuyafika ezikolo lamhlanje lapho zivulwa. Inhlanganiso zababalisi zibike ngeviki eyedlulileyo ukuthi ababalisi kabalamali yokugada besiya emsebenzini ngenxa yeholo eliphansi.

***Kube ngokufanayo laseHarare lapho izikolo ezinengi zalabo abafunda bebuyela emakhaya ezingenelisanga ukuvula lamuhla ngosuku lwakuqala lwefirst term yalonyaka. Lokhu kubangelwe yikuba ababalisi abanengi kabayanga emsebenzini bekhala ngokuthi abala mali eyenela ukugada lokubhadalela indleko zabo.

***Babikwa sebeyizigidi ezedlula ezine(4,290,268), asebehlatshwe ijekiseni yakuqala yokuzivikela kuCovid 19. Kuthi asebehlabe amabili bayizigidi ezedlula ezintathu(3,319,079). Abazinkulungwane ezedlula ezingamatshumi edlula ayisithupha lengxenye(66,994), bahlatshwa ijekiseni lesithathu. Kuphetha usuku lwayizolo kulabantu abangamatshumi aphansi kwesikhombisa -67, ababafunyenwe beleCOVID-19 kwabhubha ababili(2), kubika abogatsha lwezempilakahle.

***Abaxotshiswa edale lephalamende ngamabandla atshiyeneyo bafisa ukuba abantu babavotele kukhetho lwama by-elections ngoMbimbitho.

***Umsekeli kamgcinisihlalo weqembu lenguqu ele Highlanders omutsha, uFiso Siziba uthi uzasebenza kanzima ukubambanisa abalandeli beqembu leli.

***KuLivetalk namhlanje sikhangela ukuvulwa kwezikolo okungahambanga kuhle ngoba abablisi bengayanga emsebenzini bekhala ngeholo eliphansi besithi kaleneli ukubhadalela indleko zabo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG