amalinks wokungena

Breaking News

Inhloko Zendaba Nhlolanja 08, 2022


Abazali bakhuthaza uhulumende ukuba akhulumisane lababalisi ngezikhalazo abalazo ngemva kokuba abafundi bephenduke ngemakhaya kungela babalisi ezikolo. Lamuhla lilanga lesibili ababalisi bekhalala umsebenzi kodwa uhulumende ebacebisa ukuthi babuyele emsebenzini ngapha besakhulumisana ngeholo.

Babikwa sebeyizigidi ezedlula ezine(4,291,174), asebehlatshwe ijekiseni yakuqala yokuzivikela kuCovid 19. Kuthi asebehlabe amabili bayizigidi ezedlula ezintathu(3,323,564). Abazinkulungwane ezedlula ezingamatshumi edlula ayisithupha lengxenye(69,361), bahlatshwa ijekiseni lesithathu. Kuphetha usuku lwayizolo kulabantu abaphezu kwekhulu lengxenye-151, ababafunyenwe beleCOVID-19 kwabhubha abathathu(3), kubika abogatsha lwezempilakahle.

Abaxotshiswa edale lephalamende ngamabandla atshiyeneyo bafisa ukuba abantu babavotele kukhetho lwama by-elections ngoMbimbitho.

Usibalukhulu weReserve Bank of Zimbabwe (RBZ) uMnu John Mangudya uqina ngokuthi ilizwe alisoze libuyele ekusebenziseni idola leMelika njengemali yeZimbabwe emqoka ngoba esithi lokhu kubulala umnotho. Uthi idola leZimbabwe selikhulise umnotho ngesilinganiso sokuyisikhombisa ekhulwini njalo uthi lizaqhubeka liyilo imali yeZimbabwe eyinsika.

Ingcitshi ebeziphiwe umsebenzi wokucubungula imbangela yodlakela oluqhamuke kweleSouth Africa ngo Ntulikazi nyakenye zithi uhulumende lamapholisa behluleka ukumisa loludlakelwe okuyinto esilethe ukukhathazeka kakhulu kuzizalwane zakwamanye amazwe ngesikhathi kusanda inzondo yokucwaswa ngobuzwe kweleSouth Africa.

Umsekeli kamgcinisihlalo weqembu lenguqu ele Highlanders omutsha, uFiso Siziba uthi uzasebenza kanzima ukubambanisa abalandeli beqembu leli.

KuLivetalk namhlanje kuhlelo "The Connection" sikhangela okwenziwa ngabasakhulayo ukuzinakekela ngezikhathi zobunzima.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG