amalinks wokungena

Breaking News

Inhloko ZeNdaba Nhlolanja 09, 2021


Phakathi kwabantu abaphezu kwekhulu-106, abahlolwe batholakala beleCovid 19, izolo eZimbabwe, abangamatshumi amane babo-40, bebengabe Harare.

I-Covid-19 iqhubeka isidla ubhedu eZimbabwe, ngemva kokubhubha komunye owayekubutho uMnu. Douglas Nyikayaramba lesikhulumeli senhlanganiso eye Blood Transfusion Services, uNkosazana Ester Masunda.

Iziphathamandla zeMDC Alliance ezibalisa uNkosazana Joanna Mamombe loCecilia Chimbiri zikhululwa entolongweni ngemva kokuhlawula isibambiso se bail.

Intengo yempahla lokudla ezitolo isiqalile ukukhuphuka njalo ngemva kwenyanga ezimbalwa imi ndawonye.

Inkampani kahulumende weSouth Africa ebona ngokulawulwa kwemingcele iBorder Management Agency ithi amalungiselelo okuvulwa njalo kwemingcele ngeviki ezayo asekusibanga esiphezulu.

Ukuthoniswa kowayengumongameli weMelika uMnu. Donald Trump owetheswa icala lokukhuthaza ukuthi kubelokudlakela kusungulwa namuhla edale leSenate.

Inhlanganiso ye Premier Soccer League isize lamacebo awokuvuselela umdlalo wenguqu elizweni.

Ku Livetalk namhlanje kuhlelo lwabatsha olwe “The Connection” sikhangela udaba lokumemetheka kweCovid 19 eZimbabwe lakwamanye amazwe womhlaba.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG