amalinks wokungena

Breaking News

Inhloko ZeNdaba Nhlolanja 10, 2021


Selidlalela phansi kwabangamatshumi amabili ababulawa yiCovid 19 eZimbabwe kumaviki amabili edluleyo. Izolo kubhubhe abalitshumi lane bebulawa yileli gcikwane, okuhle kwakhweza inane lasebebulewe lokhu lolubhubhane lwangena elizweni kwabayiphezu kwenkulungwane eyodwa-1,353.

I Uhulumende weZimbabwe uthi amajekiseni okwelapha umkhuhlane weCoronavirus awathenjiswe yiChina azaqala ukufika elizweni ngeviki ezayo mhlaka 15. EleZimbabwe ngelinye lamazwe alitshumi lane azathola amajekiseni la, wona alungiswe yinkampani yaseChina iSinopharm.

Iziphepheli zeZimbabwe ezedlula amakhulu amathathu ezihlala kweleBotswana sezibhekane lokuphindela ekhaya ngaphandle kokuthanda kwabo ngemva kokuba zilahlekelwe yisicelo sokuthi zingabanjwa ngamandla ukuthi ziphindele.

Intengo yempahla lokudla ezitolo isiqalile ukukhuphuka njalo ngemva kwenyanga ezimbalwa imi ndawonye.

Inkampani kahulumende weSouth Africa ebona ngokulawulwa kwemingcele iBorder Management Agency ithi amalungiselelo okuvulwa njalo kwemingcele ngeviki ezayo asekusibanga esiphezulu.

Ukuthoniswa kowayengumongameli weMelika uMnu. Donald Trump owetheswa icala lokukhuthaza ukuthi kubelokudlakela kusungulwa namuhla edale leSenate.

UKaputeni weqembu labesifazane elimela ilizwe emdlalweni kakhilikithi uMary Anne Musonda uthi kuzamele bakhweze amasokisi kumidlalo eseleyo abazayidlala leqembu le Pakistan ngemva kokuba bebhaxabulwe kabuhlungu emdlalweni wakuqala owohlobo lwe One Day International ngoLwesibili.

Ku Livetalk namhlanje kuhlelo lwabatsha olwe “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG