Endabeni zethu lamhlanje ……………..
****** Inhlanganiso ezitshiyeneyo sezidinga ukudla, ingubo, imithi, amatende lokunye kokunceda abantu abasendaweni ezimbalwa eBinga abalemizi ekhukhulwe zimpophoma zamanzi kuze kune izulu elikhulu okwamalanga amathathu.
***** Umhlangano wamalunga edale labampathintambo bakahulumende eleCabinet, uphuma lesinqumo sokuthi abantu baphiwe amakoponi okuthenga impuphu ngoba uhulumende esekunanzelele ukuthi sokulenkohlakalo enkulu emsebenzini wokutholakala kwempuphu.
****** Umkhokheli weMDC uMnu. Nelson Chamisa uthi ukuhlala phansi kwakhe loMongameli Emmerson Mnangagwa bekhulumisana ngenkinga ezibhekane leZimbabwe yikho kuphela okungaphumisa ilizwe edakeni elikilo.
****** Kwezemidlalo……...Owayengunozinti weqembu lesizwe elama Warriors, emdlalweni owenguqu, uEnergy Murambadoro usengumqeqetshi wabonozinti beqembu le Chicken Inn.
****** KuLiveTalk namhlanje kuhlelo ‘Diaspora Forum’ sikhuluma labeZimbabwe asebehlala emazweni ngomkhuhlane oweCoronavirus. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.