amalinks wokungena

Breaking News

Inhloko ZeNdaba Nhlolanja 12, 2021


Kubhubhe abantu abalitshumi lasitshiyangalombili, 18, ngeCovid-19 eZimbabwe izolo njalo kwatholakala abangamatshumi ayisitshiyangalombili lanhlanu, 85, belomkhuhlane lo.

Ngesikhathi umhlaba ulungiselela ukunaza usuku oluqakathekisa imisebenzi yamawayilesi lwe World Radio Day tomorrow mhla ka 13th Nhlolanja abe Zimbabwe Association of Community Radio Stations - ZACRAS bathi balindele ngamehlo abamvu ukuqhitshwa komsebenzi wokunikezwa kwamalayisensi kumisakazo yezabelo eyisikhombisa eseleyo njengokutsho kwabe Broadcasting Authority of Zimbabwe - BAZ.

Izakhamizi zemaNdebeleni sezithe zaveza ukukhathazeka kwazo ngokungabi lamandla kagesti kanye lokwehla kwamandla obulemebu osekubenza baphile nzima kulandela ukudubuka kwemitshina egaya amandla kagesti esititshini seHwange Power Station osekubangele ukugavunwa kwamandla kagesti kuzulu.

Kuhlelo Woza Friday kuliviki silethulela ijaha elisakhulayo uNqobile Jojo odume ngegama lokuthi ngu Doctor Love NJ ecula ekoBulawayo umdumo we Jazz Fusion.

Ku Livetalk namhlanje sikhangela ukuqonga kwenani labafunyanwa beleCovid 19, eZimbabwe lakwamanye amazwe womhlaba.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG