amalinks wokungena

Breaking News

Inhloko ZeNdaba Nhlolanja 12, 2021


Luqhubekela phambili uhlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine, eZimbabwe jikelele. Isigaba seNkabazwe sithole amajekiseni azinkulungwane aphose afike alitshumi lane-13,800 akhangelelwe ukuhlatshwa abantu abazinkulungwane phose eziyisikhombisa-6,875.

Abazali abalabantwana abafunda ezikolo ezizimeleyo bathi bafuna uhulumende akele izikolo lezi zisebenzise ikhalenda eyehlukileyo kuleyo ekhitshwe nguhulumende bethi abafundi kulezi zikolo bezivuliwe kusukela ngoZibandlela.

Ibandla leZANU PF selisole okumunyethwe ngumbiko womkhokheli weMDC Alliance uMnu. Nelson Chamisa asanda ukuwethula, lisithi lona alilanjongo yokulwisana lebandla lakhe.

Inkosi yamaZulu, uGoodwill Zwelithini obeleminyaka yokuzalwa engamatshumi ayisikhombisa lantathu kasekho.

UMongameli Joe Biden weleMelika uthi uzalaya zonke izabelo zelizwe lakhe ukuthi zibe seziqalisile ukuhlaba umuntu wonke ofunayo oleminyaka elitshumi lathoba minwe mibili-18, kusiya phezulu ijekiseni yokuvikela umkhuhlane wecovid-19 kusukela mhlaka 1 Nkwenkwezi.

Kuhlelo Woza Friday namuhla sihamba lembongi uBhekani Dube ephethe idlalade lakhe lakuqala elilesihloko esithi ‘Zhwane’

Ku Livetalk namhlanje sikhangela ukuqhubeka kohlelo lweZimbabwe lokuhlaba abantu ijekiseni yokuzivikela emkhuhlaneni, eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG