amalinks wokungena

Breaking News

Inhloko ZeNdaba Nhlolanja 15, 2021


Ngokutshona kwelanga layizolo, inani lasebehlolwe batholakala beleCovid 19 selikunkulungwane ezedlula amatshumi amathathu lanhlanu-35,172 eligoqela inkulungwane ezedlula amatshumi amathathu-30,601, abagule lumkhuhlane basila.

Umongameli Emmerson Mnangagwa uthi uhulumende wakhe ukhangelele ukusungula uhlelo lokuhlaba abantu ijekiseni lokuvikela umkhuhlane wecovid 19 yonale iviki elifike eZimbabwe namhlanje emadabukakusa.

Iziphathamandla zikahulumende ezisanda kukhethwa, zifungiswe ukuba ziqalise umsebenzi, namuhla, lanxa omunye wazo uMnu. Frederick Shava ubengekho ngoba engakasuki kweleMelika lapho aakade esebenza khona.

Sokulungiselelwa ukubekwa kwenduna, uVezi Maduna Mafu, olensukwana etshonile. Isikhulumeli somdeni wako Mafu, uMnu. Zwelithini Dlamini, uthi basamelele izihlobo labangane ukuba bafike koGodlwayo emzini wenduna kazulu. UDlamini uthi induna izabekwa kulandelwa amasiko esintu.

Akakalahli ithemba ngokufelwa umqeqetshi weqembu le FC Platinum uNorman Mapeza ngemva kokunqotshwa kweqembu lakhe ngele ASC Jaraaf kuhlandla lakuqala elomdlalo wokudinga iqembu elizaqhubekela phambili liyedlala kusigaba sezibaya kumncintiswano we CAF Confederation Cup.

Ku Livetalk namhlanje sikhangela ukuza koncedo lwejekiseni lokuzivikela ukuthelelwa iCovid 19 eleVaccine elivele kwele China.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG