amalinks wokungena

Breaking News

Inhloko ZeNdaba Nhlolanja 16, 2021


Abenhlanganiso ezimela intathelizindaba bakhuthaza uhulumende ukuba aqakathekise uhlangothi lwentathelizindaba zifakwe lazo kuluhlu lwamaqembu azoqala ukuhlatshwa ijekiseni lokuvikela umkhuhlane we COVID-19, besithi ngoba bavele bekhona kuluhlu lohlangothi lwezisebenzi eziqakathekileyo kusukela ekuqaleni uhulumende ebeka iziqondiso zokulondoloza uzulu.

Phakathi kwekunkulungwane ezedlula amatshumi amathathu lanhlanu-35,222, kule nkulungwane ezedlula amatshumi amathathu-30,759, abagule lumkhuhlane basila.

Osomabhizimusi sebamukele ngenjabulo inyathelo likaMongameli Emmerson Mnangagwa elokubavumela ukuthi bavule amabhizimusi abo belandela zonke iziqondiso zokuvikela umkhuhlane weCovid-19 lanxa nje ilizwe lizaqhubeka livaliwe okwamanye njalo amaviki amabili.

Intsha yeZimbabwe income uhulumende ngokwengeza isikhathi sokusebenza kweziqondiso zeCOVID-19 Lockdown, ezokuvikela ukumemetheka kwegcikwane leli, okwamanye amaviki amabili.

Kabathokozanga abeZimbabwe kwele South Africa ngokwehluleka kukahulumende weSouth Africa loweZimbabwe ukukhulumisana ngokuvula imingcele langezikhathi zokwenqabela ukuhamba kwabantu.

Ku Livetalk namhlanje kuhlelo ‘The Connection’ sikhangela ukuza koncedo lwejekiseni lokuzivikela ukuthelelwa iCovid 19 eleVaccine elivele kwele China.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG