Endabeni zethu lamhlanje ……………..
****** Ummeli weEuropean Union eZimbabwe, uMnu. Timo Olkkonen, uchasisa ukuba akula osokuguqukule ngezijeziso ezetheswa umsekeli kaMongameli uMnu Constantino Chiwenga.
***** Ngesikhathi eleZimbabwe libhekane lodubo olukhulu lokusilela komumbu, abagaya impuphu batshele idale lephalamende namhla ukuba kulabanye abathengisela umumbu ngentengo ephansi kwele DRC.
****** Ikhansili yedolobho lakoBulawayo isiqale uhlelo lokuhamba ivalela izakhamizi zalelidolobho ezilesikwelede sekhansili samanzi ngemizamo yokubabamba ngamandla ukuba badale osekutshiye imizi eminengi ingelamanzi sebephephela ngokukha ezibholaneni lazo eziyandelwayo ngoba idolobho lilamanzi angeke aqede umnyaka.
****** Uhulumende usevumele amanye amagalaji ukuthi athengise amafutha ezimotha ngedollar leMelika eHarare, koBulawayo, Mutare laseVictoria Falls, ngesikhathi intengo yemphahla ikhuphuka mihla ngemihla.
****** KuLiveTalk namhlanje kuhlelo lwabatsha olwe “The Connection” sikhangela ukunanzwa kwelanga lokukhuthaza ukuphatheka kwabatshwa enhlelweni zenthuthuko eleRobert Gabriel Mugabe National Youth Day. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.