Uhulumende weZimbabwe uthi akusiqiniso okukhulunywa ngabantu ukuthi abavele beleminye imikhuhlane kabasoze bahlatshwe ijekiseni lokuzivikela kuCOVID-19. Abakuloluhlangothi uthi yibo okumele bahlatshwe ukuze ijekiseni incedise imizimba yabo ukulungisa amasotsha okulwisana lalomkhuhlane.
Umuthi wama vaccines owokwenqabela i-aCOVID 19 ufikile koBulawayo namuhla leMatabeleland South lapho uhlelo lokuhlatshwa kwabantu ijekiseni le okuzaqala khona ngoMvulo, ngesikhathi umongameli Emmerson Mnangagwa esithi eleIndia lizaletha eminye njalo imithi.
Umanyano weEuropean Union uthi uzaqhubeka ngezijeziso zezikhali owazathesa eleZimbabwe kanye lenkampani yeZimbabwe Defence Industries.
Abazali abalabantwana abakhangelelwe ukuqala izifundo zikaForm 1 lonyaka, bakhala ngokubhadaliswa indleko yamaSchool Fees ephezulu kakhulu. Bathi kubamangalisa ukuthi izikolo zingabiza izimali ezinkulu kangako ezingahambelani leholo labo.
Kuhlelo Woza Friday namuhla sihamba lomhlabelele kamaskandi uZinjaziyamluma ephethe idlalade lakhe elitsha elilesihloko esithi ‘Insuku Zokugcina.
Ku Livetalk namhlanje sikhangela ukusungulwa kohlelo lokuhlaba abantu ijekiseni yokuzivikela ukuthelelwa iCovid 19 eleVaccine eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.