Endabeni zethu lamhlanje ……………..
*** Kubotshwa ababalisi benhlanganiso eyeAmalgamated Rural Teachers Union of Zimbabwe lezinye izakhamizi eMutoko ngemva kokutshengisela.
*** Abasakhulayo emabandleni ezombusazwe atshiyeneyo balemibono etshiyeneyo phezu kosuku lwabatsha oweRobert Gabriel Mugabe National Youth Day olwakhethwa ukunanzwa ilanga lokuzalwa lowayengumongameli welizwe umuyi uMnu. Robert Mugabe.
*** Abasakhulayo edolobheni leGwanda sebekhuthaze ikomishini elwisana lenkohlakalo, eyeZimbabwe Anti Corruption Commission ukuba ihlolisise iziphathamandla zebandla elibusayo ezibahluthunela imigodi yegolide.
*** Kuhlelo Woza Friday kuliviki silomculi wengoma zomdumo ka Maskandi, uGetmore Siyabonga Moyo odume ngegama lakhe lokuthi Mntanedlozi yena ke udabuka ePlumtree.
*** KuLiveTalk namhlanje sikhangela ukunanzwa kwelanga labatsha eleRobert Gabriel Mugabe National Youth Day. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
