Endabeni zethu lamhlanje ……………..
************* Umongameli Emmerson Mnangagwa unxusa abantu emhlanganweni inkokheli yamabandla aphikisayo amancane hatshi eleMDC ekhokhelwa nguMnu Nelson Chamisa kodwa abesengabi khona emhlangweni lowo.
*********** Umthethwandaba wokubhalisa abalesifiso sokuncintisa kukhetho lokudinga ukhansila kaWard 28 kumanisiphala wako Bulawayo uhlale lamhlanje.
*********** Uhulumende we Zimbabwe ubika ukuba idola leMelika selithengwa ngamadola amabili lengxenye amadola aweRTGS-2.5 RTGS dollars.
*********** Amalunga edale laphezulu lebandla eliphikisayo ele MDC elikhokhelwa nguMnu. Nelson Chamisa, ele National Council ihlangana e Harare kulokudonselana okuthile phezu kokushiyo yisisekelo sombuso walelo bandla.
********** KuLiveTalk namhlanje sikhangela imizamo enziwayo yokusungula inkulumo zokulungisisa inkinga ezibhekane le Zimbabwe kwezenotho lakwezombusazwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.