amalinks wokungena

Breaking News

Inhloko ZeNdaba Nhlolanja 22, 2021


Uhlelo lokuhlatshwa ijekiseni lokuzivikela emkhuhlaneni weCovid-19 kuqhubekela phambili eHarare namhlanje. Uhulumende ugcizelela ukuthi akula ozabandlululwa ekuhlatshweni ijekiseni leli lalabo abaleminyaka ephezu kwamatshumi ayisithupha akade bebikwa lingasbeenzi kibo.

Lamhlanje ugatsha lwezempilakahle koBulawayo luqale uhlelo lokuhlab abantu ijekiseni lokuzivikela emkhuhlaneni, olwe Sinopharm COVID -19 vaccination programme, esibhedlela seUBH OPD. Lolu hlelo lubikwa luzathatha amalanga alitshumi, kuhlandla lakuqala, lapho uzulu akhuthazwa ukuba aqhubeke elandela iziqondiso zeCovid Lockdown laloba sekulejekiseni leli.

Umqondisi obona ngokulwisana lemikhuhlane etshiyeneyo kugatsha lwezempilakahle uNkosikazi Portia Manangazira umiswe emthethwandaba namuhla esetheswa icala lokuntshontsha imali lamafutha ezimota ayemele asetshenziswe ukufundisa abezempilakahle abazahlaba uzulu ijekiseni yeCovid-19.

Amalunga eMDC Alliance alitshumi lambili abotshwe ngoMgqibelo eChinhoyi amiswe phambi komthethwandaba namuhla akhululwa ngenkulungwane ezinhlanu zamadola esibambiso ngamunye. Abantu laba baotshwe ngezikhathi bebuthene beqoqa umngcwabo womunye wabo.

Abaphatheke kumdlalo wenguqu bajabuliswa ngumbiko othi umdlalo wenguqu ulakho ukudlalwa lonyaka nxa umphathintambo wezemidlalo uKirsty Coventry engavumelana lesi sinqumo esibikwa sithethwe yinhlanganiso ye Sport and Recreation Commission.

Ku Livetalk namhlanje sikhangela ukuqhubekela phambili kohlelo lokuhlaba abantu ijekiseni yokuzivikela ukuthelelwa iCovid 19 eleVaccine eZimbabwe oluqale ngoLwesine lweviki edluleyo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG