Lamuhla lilanga lesibili koBulawayo kuqale uhlelo lweSinopharm Covid-19 Vaccination program. Ikhansili yakoBulawayo isithe uhlelo lolu luqhuba kuhle, izolo kusungulwa uhlelo lolu bekulikhefu kungakho izisebenzi zempilakahle ezinengi bezingekho emsebenzini.
Uhulumende ukhuthazwa ukuthi akathekise abameli bezigaba edale lePhalamende babe kuluhlu lwama frontline workers lapho kuhlatshwa abantu ijekiseni lokuvikela umkhuhlane, eleCOVID-19 Vaccine, njengoba bengabantu abahlezi besebenzisana lozulu sikhathi sonke njalo kuzosiza kakhulu ekuthini uzulu akholelwe kilo ukuze ahlatshwe. Linkuthazo yenziwe ngumgcinisihlalo wekomidi ebona ngezempilakahle edale lephalamende eye Health and Child Care Parliamentary Portfolio Committee, uDr Ruth Labode.
Umkhokheli welinye lamacele aweMDC-T, uMnu Douglas Mwonzora uthi ibandla lakhe lizaqhubeka lixotsha amakhansila aphatheka kumkhuba wenkohlakalo.
Izisebenzi zikahulumende kanye lozulu jikelele bathi inyathelo lebhanga elikhulu lelizwe, ele Reserve Bank Zimbabwe elokuletha imali ebambeneyo eye $50 Bond Note, kanye lokukhweza isilinganiso semali engathathwa ebhanga ngelanga, isuka kunkulungwane eyodwa isiya kunkulungwane ezimbili zamadola eZimbabwe(RTGs$1,000 to RTGs$2,000) lilakho ukwehlisa isisindo semali yakuleli.
Ku Livetalk namhlanje kuhlelo “The Connection” uMike Hove uxoxa labatsha ngohlelo lokuhlatshwa kwabantu ijekiseni yokuvikela umkhuhlane, eleCovid 19 Vaccine, oluqale ngoLwesine lweviki edluleyo eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.