amalinks wokungena

Breaking News

Inhloko zeNdaba Nhlolanja 27, 2019


Inhloko ZeNdaba

Endabeni zethu lamhlanje ……………..

************* Izizalwane zeZimbabwe esezihlala emazweni zamukele ngenjabulo inyathelo eselithethwe lokuguqula umthetho ophathelane lokuba yisizalwane salelozwe okusemtehthweni oweCitizenship Act okuzakwenza kube lula ukuthi lezi zizalwane zibe lengwalo zamazwe amabili iDual Citizenship.

*********** Ele Namibia elingumgcinisihlalo womanyano wamazwe angezansi kwezwekazi leAfrica eye SADC lethula inkhuthazo yokuthi izijeziso zenotho ezetheswa ele Zimbabwe zikhitshwe. Lokhu kuphume emhlanganweni owenhlanganiso yomanyano wamazwe womhlaba kuhlangothi olubona ngezamalungelo oluntu olwe United Nations Human Rights Commission.

*********** Abesifazana abakumsebenzi wokwemba amatshe aligugu, sebeyamukele ngenjabulo uhlelo lukahulumende lokubhalisa ezokwemba ebulenjini olwe Cadastra olukhulunywe ngalo njalo kuzibopho zokusetshenziswa kwemali olweMonetary Policy ngeviki edluleyo.

*********** UZulu weZansi yemaNdebeleni uthi umthetho yokuvikela abathengi uyadingeka ngokuphangisa ikakhulu ngalesisikhathi umnotho welizwe umi manzonzo.

********** KuLiveTalk kuhlelo olwe "Diaspora Forum" namhlanje sihlaziya udaba lokuguqulwa komthetho ophathelane ngokuba yisizalwane seZimbabwe owe Citizenship Act okungaphathisa asebehlala emazweni ukuthi babe leDual Citizenship. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG