amalinks wokungena

Breaking News

Inhloko ZeNdaba Nkwenkwezi 04, 2021


Abogatsha lwezempilakahle babika ukuba ngokutshona kwelanga layizolo, ngoMvulo, beseliphezu kwenkulungwane ezingamakhulu amane- 437,751, inani labantu asebenelise ukuhlatshwa ijekiseni yakuqala eyeCovid 19 Vaccine, eZimbabwe.

Idale leSenate lamukele inguquko kusisekelo sombuso evunyelenwe edale leHouse of Assembly eyeConstitutional Amendment Bill Number 2. Lokhu kungemva kokuba amalunga aleli dale angamatshumi ayisithupha lanhlanu-65, evote esekela linguquko kwaba labalitshumi kuphela abavote bephikisa.

Abamela abakuhlangothi lwezemfundo bathi laloba abantu bebevalelwe ngaphansi kweziqondiso ze COVID-19 Lockdown, okubangele ukungaphumeleli kuhle kwabalobe imihloliso ye ‘ O ’ yanyakenye, yikuba lababalisi akade besebenza bekhonona bekhala ngeholo elingeneliyo lokusilela kwezokusebenzisa kumfundo yebulenjini ezikolweni zikahulumende kumbe eyeradio lakumabonakude ikakhulu kulezo ezisemaphandleni.

Inhlanganiso elwela amalungelo oluntu eye Matabeleland Institute for Human Rights iphathe ucwaningo oluveze ukuba endaweni lapho abantu abakha khona amanzi sokuqhamuke ukufuthelana okuvezwa yikuthethisana lokulwa okubakhona ngalesi sikhathi ilizwe libhekane lobhubhano lweCovid-19.

Ezinye izabelo zelizwe zibikwa zingasebenzisi imali yesikhwama sokuthuthukisa izabelo eye Devolution Fund okubangela ukuthi ibuyiswelwe kuhulumende.

Ku Livetalk namhlanje kuhlelo lwabatsha olwe “The Connection” sixoxa labatsha abakubhizimusi besitshela ngabahlangana lakho ngalesi sikhathi sokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG