amalinks wokungena

Breaking News

Inhloko zeNdaba Nkwenkwezi 06, 2019


Inhloko ZeNdaba

Endabeni zethu lamhlanje ……………..

********** Abenkampani kahulumende elawula ukusebenza kwamankampani abomakhalekhukhwini lencingo eye Postal and Telecommunications Regulatory Authority of Zimbabwe - POTRAZ bathi amankampani la, akakhwezanga intengo yokusebenzisa indlela zokukhulumisana kodwa amise ezinye inhlelo zawo ebe zilentengo ephansi yokuhuga abantu ezama promotions..

************* Izikolo ziyavulwa kusasa ababalisi besithi bazasebenza okwehlileyo njalo izikolo ezinengi zikhweze imbadalo yezifundo kuthi lentengo yama uniform layo ikhweziwe.

*********** Abenhlanganiso yabelaphi bakweleMelika abeOperation of Hope kuliviki basesibhedlela seMpilo Central Hospital lapho abeze ukuzohlinza abantu inengi lingabantwana abazalwa belesimo sendebe ezidabukileyo ese palate and lip cleft.

*********** Umqeqetshi weqembu le Highlanders uMadinda Ndlovu useveze ukukhathazeka ngokudlala kweqembu leli eselenelise imiklomelo emine kuphela kumidlalo eyisithupha. UNdlovu uthi kuyamdida ukungenelisi kweqembu lakhe ukunqoba loba nje lidlala ibhola elinathisa amanzi.

********** KuLiveTalk namhlanje sikhangela inhlupho ezibhekane labazali izikolo zivulwa kusasa. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG