amalinks wokungena

Breaking News

Inhloko ZeNdaba Nkwenkwezi 07, 2021


Seliphose lifike kunkulungwane ezingamakhulu amahlanu- 478,174, inani labantu asebenelise ukuhlatshwa ijekiseni yakuqala eyeCovid 19 Vaccine, e Zimbabwe.

Umhlangano wabenhlanganiso ezizimeleyo ezigoqela oZimbabwe Human Rights NGO Forum, Zimbabwe Human Rights Association, Zimbabwe Peace Project, uveze insolo yabanengi ngokwengezelelwa amandla kukaMongameli welizwe kuBill eselipasiswe edale lephalamende. Lumhlangano owenzelwe enkundleni yebulenjini eyeZoom, ngoLwesine ntambama ubungowokuhlaziya ngenguquko kusisekelo sombuso welizwe, iConstitutional Amendment Bill number 2.

Izifundo zabantwana abaqala ibanga lika Form 5 ziyaqala ngoMvulo ozayo njalo abazali baveza imizwa ehlukeneyo ngalokhu. Abanye bathi kulungile ukuthi abantwana bafunde, kuthi abanye ngabathi lokhu kubafaka ebunzimeni ngoba imali zokulungiselela zingekho. Kusenjalo impumela yabafundi bakaform 4 isolwa ngabanengi.

Kuhlelo Woza Friday namuhla silomculi womdumo weRhumba ozibiza ngegama lokuthi nguTshaputika, ehamba leqembu lakhe eleSt Paul Express Band, bephethe idlalade labo elitsha.

Ku Livetalk namhlanje sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG