amalinks wokungena

Breaking News

Inhloko ZeNdaba Nkwenkwezi 10, 2021


Selisedlula inkulungwane ezingamakhulu amahlanu- 526,066, inani labantu asebenelise ukuhlatshwa ijekiseni yakuqala eyeCovid 19 Vaccine, eZimbabwe.

Uhlobo lwegciwane lecoronavirus i B.1.617.2 esiqede abantu kweleIndia le B.1.1.7 edlubhedu eBhilithani womabili la amagciwane esengenile kweleSouth Africa.

Abalamabhizimusi ezimota ezithwala uzulu bacela uhulumende abavumele ukusebenza bezimele hatshi ukuba yingxenye yenkampani yamabhasi akhe, eyeZimbabwe United Passenger Company – iZUPCO.

“Lokhe singakangeni kodwa sizangena”, kutsho uMongameli Emmerson Mnangagwa, kulandela imbiko ethi uhulumende wakhe kakhulumanga iqiniso phezu kohlelo lokwakha ibholoholo leKazungula elimanyanisa iBotswana leZambia.

Ngesikhathi amazwe womhlaba ekhuthaza ukulwisana lesifo soqhuqho olweMalaria, uhulumende we Zimbabwe uthi ulazo inhlelo aziqhubayo zokuvikela uzulu ezikhanya ziphathisa lanxa ibisike yaphazamiswa zinkinga ezithile ezigoqela I Cyclone Idai, lenhlelo zokuvimba ukumemetheka kobhubhane lwe Covid 19, eze Lockdown.

Iqembu labesilisa elimela ilizwe leZimbabwe emdlalweni kakhilithi linqotshwe kabuhlungu ngele Pakistan emdlalweni wesibili owohlobo lwe test ofike emaphethelweni namhla ekuseni.

Ku Livetalk namhlanje sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine lokutholakala komhlobo weCoronavirus elilolaka lakwele India kwele South Africa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG