amalinks wokungena

Breaking News

Inhloko ZeNdaba Nkwenkwezi 11, 2021


Ebantwini abahlatshwe ijekiseni yokuzivikela kuCovid 19, izolo, abazinkulungwane eziphezu kweziyisithupha-6,410, abangaba phezu kwengxenye yabo-3,294 bahlatshwe ijekiseni yakuqala kuthi eyinye ingxenye-3,116, bengabakade behlatshwa ijekiseni yesibili eye Vaccine.

Sebesedlula ingxenye yesigidi- 529,360, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo bezinkulungwane ezedlula ikhulu lengxenye-161,293, asebehlatshwe ijekiseni yesibili .

Iqula elizibiza ngokuthi Patriotic Zimbabweans selikhweze isicelo phambi kwedale lePhalamende esokuba abantu abe Zimbabwe abahlala kwamanye amazwe bavunyelwe ukuvota.

“Lokhe singakangeni kodwa sizangena”, kutsho uMongameli Emmerson Mnangagwa, kulandela imbiko ethi uhulumende wakhe kakhulumanga iqiniso phezu kohlelo lokwakha ibholoholo leKazungula elimanyanisa iBotswana leZambia.

Izizalwane zeZimbabwe ziveza imibono ehlukileyo ngokuhlubuka kukanobhala jikelele webandla lezombusazwe eleMRP, uMnu Ackim Mhlanga esiyakubandla leZanu PF.

Abakumsebenzi wezandla eZimbabwe bathi umkhuhlane weCoronavirus ulokhe uphambanisa umsebenzi wabo okwenza bengatholi inzuzo.

Kudaba oluphathelane lezenotho namuhla sikhangela ukuhuquluzwa kwamatshe aligugu kulandela ukubotshwa kowesilisa weZimbabwe kweleSouth Africa ngempelasonto ezama ukungena kuleloluzwe ngudlu legolide elibiza R11 million.

Ku Livetalk namhlanje sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine lokutholakala komhlobo weCoronavirus elilolaka lakwele India kwele South Africa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG