amalinks wokungena

Breaking News

Inhloko ZeNdaba Nkwenkwezi 12, 2021


Sebesedlula ingxenye yesigidi- 539,526, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo bezinkulungwane ezedlula ikhulu lengxenye-170,246, asebehlatshwe ijekiseni yesibili.

Umthethwandaba weHigh Court namuhla umise kancane ukuthethwa kwecala lokudinda amanga eletheswa abesifazana beMDC Alliance uNkosazana Joana Mamombe, Cecilia Chimbiri loNetsai Marova ukuze kuhluzwe isicelo sabo sokuthi umantshi lomtshutshisi kucala labo leli besuswe kufakwe abanye.

Abesifazana beZimbabwe kweleSouth Africa sebekhuthazwe ukuthi basukume bathole amakhono okuziphilisa ukuze bazimele okuzenza babelesibindi sokulwisa ukuhlukunyezwa kwabo ngabesilisa.

Abongi abadabuka eZimbabwe asebesebenza kweleBotswana bamanyane labanye abongi umhlaba wonke jikelele ukunanza ilanga labo, ele International Nurses Day ngesikhathi umkhuhlane weCovid-19 ulokhe uhlasela. KweleBotswana, ilanga leli lifika ngesikhathi ilizwe lisanda kusungula uhlelo lokuhlaba abantu ijekiseni yeCovid 19 Sinovac Vaccine, evele kweleChina. AbeZimbabwe abaseBotswana labo besemzileni wokuhlatshwa ijekiseni leyi.

Ku Livetalk namhlanje kuhlelo “Diaspora Forum” sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine lokutholakala komhlobo weCoronavirus elelolaka yakwele India komakhelwane kwele South Africa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG