UMongameli Emmerson Mnangagwa, uvule okusemthethweni isibhedlela seUnited Bulawayo Hospitals Covid-19 lsolation and Treatment Centre, namuhla, ethi benza konke okusemandleni abo ukulungisisa isibhedlela seEkusileni ukuze laso siqale ukusebenza.
Ugatsha lwezempilakahle luthi kulabantu abangamatshumi amabili lanhlanu, 25, ababanjwe iCovid-19 izolo njalo ababili babo ngabavele kweleIndia. Abayisikhombisa babanjwe lumkhuhlane ngemva kokuba beke baba seduzane lababili laba. Lokhu sokudale ukwesaba okukhulu elizweni abanye besithi umkhakha waleligciwane otholakala kweleIndia omemetheka ngesiqubu njalo osubulele abantu abanengi kulelolizwe ungaba usukhona eZimbabwe.
Sebesedlula ingxenye yesigidi- 559,875, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane eziphose zifike amakhulu amabili-192,145, asebehlatshwe ijekiseni yesibili.
Abokholo lwesiMuslim bamanyana labanye babo emhlabeni jikelele ukuthakazalela ilanga leEid, okulilanga lokuqhitshwa kohlelo lokuzincitsha okwenyanga yonke, olwenziwa minyaka yonke ngabalolu kholo.
Kuliviki kuhlelo Woza Friday silomculi asocathalayo wengoma zomdumo weDisco le Afro House, uAdmire Moyo, owazakala ngegama lokuthi ngu King Adiza Inkosi Yobunandi kwezomculo.
Ku Livetalk namhlanje sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine lokuxokozela okulokhu kukhona kuhlangothi lwemithethwandaba.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.