Inani lasebefunyenwe belegcikwane leCovid 19, eZimbabwe seliqonge laya kwabangamatshumi amathathu lathobaminwemibili-38, kwasinda abalitshumi lantathu kulumkhuhlane, wabulala abane.
Umkhokheli weMDC Alliance, umnumzana Nelson Chamisa, ukhuthaza amazwe womhlaba ukuthi angenele ekukhuzeni uhulumende weZimbabwe njengoba eqhubeka esephula ilungelo loluntu. UChamisa wenze linkhuthazo ngemva kokwethekelela amalunga ebandla lakhe zesifazana esibhedlela ezibotshwe kuthange izolo zanyamalala zazotholakala eBindura.
Uhulumende yena ubikwa ukuthi akazi lutho ngokuthunjwa kwamalunga aweMDC asakhulayo lawa.
Izakhamizi zemzini wePumula, koBulawayo, ezibhekane lobunzima bokuswela amanzi, sezibanjwa ngamandla ukukha amanzi emthonjeni kanye lemfuleni yamanzi aphuma ezambuzini yamaSewage.
KuWoza Friday liviki silomhlabeleli osakhulayo uGracious Dube, owazakala ngegama lokuthi Grashie Dee, yena ke ucula umdumo we RnB le Zim Dance Hall.
Ku Livetalk namhlanje siqhubekela phambili sikhangela umonakalo osudalwe ngumkhuhlane weCovid 19.