amalinks wokungena

Breaking News

Inhloko ZeNdaba Nkwenkwezi 17, 2021


Abenhlanganiso ye Zimbabwe Human Rights NGO Forum sebekhweze isicelo emthethwandaba waphezulu oweHigh Court besola umpthathintambo wezemithetho, uMnu Ziyambi Ziyambi besithi weyise idale ngencwadi ayilobe esola isinqumo seHigh Court ngempelaviki.

Amabandla aphikisayo amukele ngenjabulo isinqumo seHigh Court esokususa uMnu Luke Malaba esikhundleni sikamahlulu omkhulu weZimbabwe. Asesole njalo amazwi kamphathintambo wezemithetho uMnu Ziyambi esithi wethusele abahluli.

Kulezikolo eseziqale ukuhlawulisa abazali amadola azinkulungwane ezilitshumi aweZimbabwe-RTGS$10,000 kumbe ikhulu lamadola eMelika-US$100, yokupha ababalisi ukuthi baqhubeke befundisa okwamaviki amabili izikolo zivaliwe ukuze benelise ukuthinta indawo ezisalele emuva. Kodwa abazali bayakhonona ngokuthi indleko okumele bazibhadale zinengi kakhulu ngoba bekhangelelwe ukubhadalela ithemu lesibili ekupheleni kwenyanga.

Sebesedlula ingxenye yesigidi- 581,615, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amabili-215,332, asebehlatshwe ijekiseni yesibili.

Ukungamanga kuhle komumo womnotho eZimbabwe, kubikwa sekubamba ngamandla abantu abanengi ukuthi badinge usizo lokwelatshwa ngendlela zendulo ezemithi yezihlahla kumbe elinywayo ezivandeni. Ngenxa yokungenelisi izimali ezidingwa ukuhlawulwa kubodokotela, ezibhedlela lakumakilinika abantu sebekhetha ukwelatshwa ngemithi yendulo efana labo sihaqa, ontolwane, omsuzwane lokunye.

Ku Livetalk namhlanje sikhangela ukuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine lokuxokozela okulokhu kukhona kuhlangothi lwemithethwandaba ngokuphathelane lesikhundla sikaMahluli omkhulu elizweni, uJustice Luke Malaba.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG