amalinks wokungena

Breaking News

Inhloko ZeNdaba Nkwenkwezi 18, 2021


Sebesedlula ingxenye yesigidi- 591,808, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amabili-222,450, asebehlatshwe ijekiseni yesibili.

Ukuya kumhlalaphansi kukamahluli omkhulu uChief Justice Luke Malaba, lokhu kuludaba egudwini, ngokuphikisa osokusenza uhulumende isinqumo esethulwe ngumthethwandaba weHigh Court sokuthi angengezelelwa isikhati sokuqhubeka esebenza okweminye iminyaka emihlanu.

Abezokholo ngaphansi kwenhlanganiso ye Zimbabwe Council of Churches-ZCC bathi isimo esiselizweni okwamanje sesidinga ukuba izizalwane zikhethe indlela eyiyo ezizoyilandela ukwakha ilizwe phakathi kweyokuya emithethwandaba kumbe eyokukhulumisana.

Kulezikolo eseziqale ukuhlawulisa abazali amadola azinkulungwane ezilitshumi aweZimbabwe-RTGS$10,000 kumbe ikhulu lamadola eMelika-US$100, yokupha ababalisi ukuthi baqhubeke befundisa okwamaviki amabili izikolo zivaliwe ukuze benelise ukuthinta indawo ezisalele emuva. Kodwa abazali bayakhonona ngokuthi indleko okumele bazibhadale zinengi kakhulu ngoba bekhangelelwe ukubhadalela ithemu lesibili ekupheleni kwenyanga.

Abazali bezifundi zemakolitshini bakhala ngokukhuphuka kwembadalo yemfundo ngesilinganiso esingamakhulu amabili lamatshumi amahlanu 250 percent ekhulwini ngesikhathi umnotho welizwe ungamanga kuhle.

Kuhlandla lezenotho namuhla sikhangela imizamo enziwa nguzulu weMatabeleland yokuvuselela umnotho kulumango ngokusungula amankampani.

Lokhu kuphume emhlanganweni oqhutshwe zinhlanganiso ezizimeleyo ngeviki edluleyo.

Ku Livetalk namhlanje kuhlelo “The Connection” sixoxa labatsha ngokuqhubeka kohlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG