amalinks wokungena

Breaking News

Inhloko zeNdaba Nkwenkwezi 20, 2019


Inhloko ZeNdaba

Endabeni zethu lamhlanje ……………..

***** Inkampani ebona ngokuphehlwa kwamandla kagetsi eye ZESA ikhala ngokuthi amanzi malutshwana edamu le Kariba njalo imali yakwamanye amazwe ayeneli ukuthenga amanye emazweni angomakhelwane. Kodwa ingcwethi ezibona ngokutholakala kwala mandla zithi imisebenzi yenkohlakalo kanye lokwehluleka ukuhlela kuhle inhlelo zokutholakala kukagetsi yikho okubangela indubo lezi eZimbabwe.

********** Amabandla ezombusazwe kwele Malawi agqiba namhlanje imikhankaso yawo yokudinga usekelo kukhetho oluhutshwa kusasa mhla ka 21 Nkwenkwezi 2019.

******** Ngokuqala kwesikahathi somqando abantu abanengi baba engozini yokutshiswa yimililo ebaswayo ukuze abantu bakhudumale. Abanengi abatshayo ngabantwana. Ngakhoke abezempilakahle baxwayisa uzulu ngendlela zokugexisa izilonda zokutsha kanye lokulimala okubangelwa yikutsha.

******** Kuyala ukuthi iqembu lomdlalo wenguqu ele Highlanders linqobe kumidlalo yalonyaka njengoba selifikise imidlalo eyithoba minwe mbili lingazake lithole yomithathu imiklomelo. Lokhu sekudale ukuba umqeqetshi weqembu leli uMadinda Ndlovu athi leliqembu lingabe libotshiwe.

********** KuLiveTalk namuhla sikhangela imbangela yokonakala kwesimo somnotho lezombusazwe eZimbabwe. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG