*** Abongi labongikazi eMpilo General Hospital namuhla bahlolwe ngodokotela ukuba abalamkhuhlane weCoronavirus kulandela ukutholakala komunye wabo elegciwane leCOVID-19.
*** Uzulu wezansi yeMaNdebeleni uthi wethukile ngokukhuphuka kwenani lalabo abatholakale belegciwane lecoronavirus abavelela kwele South Africa abavalelwe eBeitbridge. Lokhu kuza ngesikhathi kulembiko ethi inengi lichapha umngcele okungekho emthethweni kukanti abanye bayabaleka lapho abagcinwe khona okulakho ukumemethekisa leligciwane.
*** EleBotswana selilungisa umthetho wokuvimba abantu bokuza ukuze bengangeni kumabhizimusi agoqela ukweluka inwele, ukwakha lokunye.
*** KuLivetalk kuhlelo lwabesifazane ‘Asiyhluzeni Bomama’ sixoxa ngomkhuhlane weCoronavirus COVID-19 omemetheka okwethusayo eZimbabwe.
*** Umsakazo weVoice of America osakaza kuzwekazi leAfrica okugoqela eleZimbabwe ususebenzisa iSatellite SES-5 Ku-band le C-band. Uyenelisa njalo ukusithola ku Intelsat 20 lobanje sizakuma ekupheleni kuka Nhlangula ukuyisebenzisa. Nxa lifisa ukubakwazi okunengi ngalokhu ngenani ebulenjini beInternet livule ikhasi leVOA Ndebele elithi www.voandebele.com. Okunye uzakuthola ebulenjini bokuxhumana obeFacebook kuVOA Ndebele laku Twitter kuVOA Ndebele.