amalinks wokungena

Breaking News

Inhloko ZeNdaba Nkwenkwezi 21, 2021


Abogatsha lwezempilakahle babika ukuba sebezinkulungwane ezedlula amakhulu ayisithupha- 615,296, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amabili-252,100, asebehlatshwe ijekiseni yesibili.

Ugatsha olukhangele ukuqhutshwa kwemihloliso selukhiphe indleko ezibhadalwa ukuze abafundi babhale imihloliso. Uhulumende uthi uzaphathisa ngokubhadalela ingxenye yendleko lezi kodwa laloba kunjalo abazali bathi imali le inengi kakhulu ngoba iholo labo liphansi.

Abenhlanganiso ezizimeleyo ezisebenzisana lozulu kunhlangothi ezitshiyeneyo zempilo ziyhi amalunga edale lephalamende kungumlandu wabo ukulondoloza isisekelo sombuso welizwe esavotelwa nguzulu.

Kuhlelo Woza Friday namuhla silomculi wengoma zomdumo wokholo lwesiKristu, uLouis Khupe ehamba leqembu lakhe leThe Worshippers of Jesus Christ, bephethe idlalade labo elitsha.

Ku Livetalk namhlanje kuhlelo sikhangela ukuqhubeka kohlelo lokutshwa kwabantu ijekiseni eyeCovid 19 Vaccine eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG