amalinks wokungena

Breaking News

Inhloko zeNdaba Nkwenkwezi 22, 2019


Inhloko ZeNdaba

Endabeni zethu lamhlanje ……………..

***** Abalwela amalungelo oluntu abahlanu abetheswa icala lokufuna ukugenqula uhulumende kaMongameli Emmerson Mnangagwa bamiswe phambi komthethwandaba namhlanje lapho amagqwetha abo akhangelelwe ukukhweza isicelo sokuthi bavunyelwe ukuhlawula isibambiso seBail ukuze bathoniswe bevela emakhaya.

********** Abamakombi bathi baqhubekela phambili besebenza laloba bebethe bayakhalala umsebenzi ngenxa yobunzima ababhekane labo kubangelwa yikungamanga kuhle kwesimo somnotho welizwe okwengezwe yikukhwezwa kwentengo yamafutha ezimota.

******** Idale lephalamende kweleSouth Africa lamhlanje likhetha umongameli welizwe ozabusa okweminyaka engamatshumi amahlanu ezayo kulandela ukhetho oluqhutshwe ekuqaleni kwayonale inyanga. Umkhokheli weANC umnumnzana Cyril Ramaphosa ukhangelelwe ukunqoba kulolukhetho.

******** Esigabeni lapho esikhangela okwenziwa ngabeZimbabwe asebehlala emazweni silengxoxo labaqoqa umbukiso oweZimExpo owenziwa ngayonale impelaviki edolobheni leChicago khonapha eMelika.

********** KuLiveTalk namuhla kuhlelo “Diaspora Forum” sikhangela okubhekane labeZimbabwe asebehlala emazweni lapho bezama ukuncedisa abemuli ekhaya ngezikhathi zokonakala kwesimo somnotho welizwe. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG