Abogatsha lwezempilakahle babika ukuba sebezinkulungwane ezedlula amakhulu ayisithupha- 632,496, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu phose amathathu-278,537, asebehlatshwe ijekiseni yesibili.
Izakhamizi zemzini weMganwini zithi zifuna ikhansili ibahlawule imali abazisebenzise beselatshwa ngemva kokuba inengi libanjwe ngumkhuhlane wesihudo lapho lisebenzise amanzi alengcekeza abephuma empompini. Okwamanje ikhansili ilokhe isadingisisa imbangela yalokho kungcola kwamanzi.
Umthethwandaba ucubungula namhlanje, udaba olukhwezwe ngamagqwetha olokuthi i-ZEC ivume ukuqhuba ukhetho lwama by-elections amisiweyo ngenxa yeCOVID 19.
Isiphathamandla seMDC Alliance uMnu. Obey Sithole ukhululwe ngemva kwenhlawulo yesibambiso eye bail ngemva kokuhlala phose inyanga evalelwe.
ISouth Africa ithi izathakazelela ilanga le Africa Day kusasa ngokuyakupha usizo lwempuphu kuzizalwane zeZimbabwe ezehlelwa ngumonakalo ngesikhathi senhlekelele yeCyclone Idai iyenzeke ngo 2019.
Lithuthukise amathuba alo awokuvikela inkezo ye Chibuku Super Cup iqembu le Highlanders ngokunqoba elikwenze emdlalweni walo wakuqala kumncintiswano walonyaka.
Ku Livetalk namhlanje kuhlelo sikhangela ukuqhubeka kohlelo lokutshwa kwabantu ijekiseni eyeCovid 19 Vaccine eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.