amalinks wokungena

Breaking News

Inhloko ZeNdaba Nkwenkwezi 25, 2021


Bafika inkulungwane ezedlula amakhulu ayisithupha- 633,635, asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu phose amathathu-281,286, asebehlatshwe ijekiseni yesibili, kubika abogatsha lwezempilakahle.

Ele Zimbabwe linanze usuku olwe Africa Day, ngokuphawula okusemthethweni isithombi esimiswe phakathi kwedolobho leHarare sokuhlonipha umsebenzi owenziwa nguMbuya Nehanda ukumelana lababeze ukuzohuquluza umnotho welizwe. Lokhu kwenziwe nguMongameli Emmerson Mnangagwa.

Baveza imibono ehlukeneyo abantu bakoBulawayo mayelana lelanga leAfrica Day ngesikhathi amazwe womhlaba okugoqela ele Zimbabwe ehlaselwe lubhubhane lweCovid-19 osolubisele emuva intuthuko yamazwe awezwekazi leAfrica.

Lonyaka usuku lweAfrica Day lunanzwa phansi kwendikimba ethi, Arts, Culture and Heritage: Levers for Building the Africa We Want, elethele abasakhulayo abakumsebenzi wezamasiko lemidlalo injabulo enkulu besithi okwenziwe ngabe African Union kuveza ukuba bayabananza abasakhulayo.

Kambe uhlelo olutsha olokuvuselela umnotho welizwe oluthiwa National Development Strategy luzaphumulela na?

Ku Livetalk namhlanje kuhlelo “The Connection’ sikhangela ukunanzwa kosuku olweAfrica Day ukuthi lutshoni kwabasakhulayo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG