Lokhu bengamatshumi amahlanu lasithupha-56 asebefunyenwe belegcikwane leCoronavirus eZimbabwe njalo sebesedlula izigidi ezinhlanu-5,519,578 emhlabeni jikelele asebefunyenwe belalo.
Umthethwandaba kaMantshi namhlanje unqume usipha uFrank Chikowore lo Samuel Takawira, imvumo yokuhlawula isibambiso sebheyili. Intathelizindaba lezi zombili, ezisebenza zizimele zetheswa umlandu wokungalaleli amapholisa lapho zethekelele esibhedlela se Parktown Hospital, okwelatshwa khona inkokheli yabatsha eyeMDC Alliance eyayithunjiwe.
Abalwela ilungelo loluntu eZimbabwe bakhala ngokuthi, uhulumende, kanye lamapholisa yibo abalokhe behamba phambili ekwephulweni kwelungelo labantu elizweni, laloba umpathintambo wezobudlelwano belizwe lamanye amazwe womhlaba uMnu. Sibusiso Moyo esanda kwethula umbiko othi ilizwe liyalandela imithetho.
Kwezemidlalo…………… intathelizindaba yethu yezemidlalo ixoxa lomdlali weqembu lenguqu ele FC Platinum uRahman Kutsanzira yena ofikise iminyaka engamatshumi amathathu lambili yokuzalwa mhla ka 25 Nkwenkwezi.
Ku Livetalk namhlanje kuhlelo lwabasakhulayo olwe “The Connection” sikhangela izikhalazo zabakumsebenzi wokulwela ukulondolozwa kwamalungelo oluntu zokuthi amapholisa elizweni yibo abahamba phambili endabeni zokwephulwa kwelungelo loluntu.