amalinks wokungena

Breaking News

Inhloko ZeNdaba Nkwenkwezi 26, 2021


Inani labahlatshwa ijekiseni ye Covid 19 liya lisehla ngesikhathi kulemibiko yokuthi uhlobo lwejekiseni yokuhlaba abantu okwakuqala alusekho kwezinye indawo ezifana lako Bulawayo.

Sebesedlula inkulungwane ezingamakhulu ayisithupha- 639,553, asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu phose amathathu-288,437, asebehlatshwe ijekiseni yesibili, kubika abogatsha lwezempilakahle.

Ibandla le MDC Alliance lithi uzulu we Zimbabwe kumele amanyane ukubona ukuba angavikela njani ukuqilwa kokhetho elizweni. Ibandla leli lithi selilamaqhinga okuba ukhetho oluba lempumela engasoze yaphikiswa, lungaqhutshwa njani.

Amalunga ebandla leAfrican National Congress ndawonye lawe Zanu pf bebetshengisela eConsulate yeMelika eJohannesburg lamhlanje besithi akususwe izijeziso zomnotho ezethulelwe iZimbabwe.

Amapholisa kweleGaborone, asungule umkankanso kuyonale iviki wokubopha abaselizweni okungekho emthethweni.

Ku Livetalk namhlanje kuhlelo “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG