Endabeni zethu lamhlanje ……………..
*****Isidumbu sikamuyi uDr Dumisa Dabengwa obhubhele wele Kenya ngoLwesine olwedluleyo, sifike koBulawayo namhlanje samukelwa ngamakhulu lamakhulu abantu enkundleni yendizamtshina.
********** Umphathintambo wezemali umnumzana Mthuli Ncube, uthi uHulumende ulenhlelo ezinengi zokuncedisa abaswelayo kunhlupho ababhekane lazo ezikhona elizweni, ezinjengokubhadalela ingxenye yendleko zemali yesikolo, lokubanikeza ukudla ikakhulu emaphandleni.
******** Abebandla eliphikisayo eleMDC ekhokhelwa nguMnu. Nelson Chamisa ligqibe umhlangano wabo omkhulu weCongress ngempelaviki lapho abakhethe inkokheli entsha.
******** Ikhansili yakoBulawayo isebezelana logatsha lukahulumende lwezempilakahla, basungule umkhankaso wokuhamba ezikolo lezibhedlela besipha abantwana abangama nkazana umuthi obavikela kugcikwane leHuman Papiloma Virus elibangela imvukuzane yesibeletho.
********** KuLiveTalk namuhla siqhubeka sikhangela impilo kaDr Dumiso Dabengwa onikezwe inhlonipho yeqhawe lesizwe kodwa engasoze angcwatshwe emathuneni awe National Heroes Acre. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.