amalinks wokungena

Breaking News

Inhloko zeNdaba Nkwenkwezi 28, 2019


Inhloko ZeNdaba

Endabeni zethu lamhlanje ……………..

*****Abe Zimbabwe Congress of Students Union (ZICOSU) bamanyana lezinye iziphathamandla ukukhuza umkhokheli welinye lamabandla aphikisayo ele MDC ukuba ehlukane lomkhuba wokwethula imibiko etshotshozela udlakela elizweni.

********** lkhansili yedolobho lakoBulawayo isidlulisele phambili umcimbi wokuthakazelela iminyaka elikhulu lamatshumi amabili lanhlanu uBulawayo waba lidolobho ukuze abantu bathole ithuba lokuvalelisana leqhawe uDokotela Dumiso Dabengwa okhangelelwe ukubekwa NgoMgqibelo eManxeleni eNtabazinduna.

******** Ikhansili yedolobha le Harare ithi iphakathi kokusebenza gadalala ukulwisana lodubo lokusilela kwamanzi kodwa kuyadingakala ukusebenzelana kwenhlangothi ezitshiyeneyo zempilo ukuze kutholakale amanzi enelayo

******** Uzulu waseZimbabwe ukhathazekile ngokuqonga kwenani lababotshwa mahlayana kwabakunhlanganiso ezizimeleyo ezilwela amalungelo oluntu, lapho bevela ngena imihlangano phandle kwelizwe, eselifike kwabayisikhombisa hakathi kwamaviki amabili.

********** KuLiveTalk namuhla kuhlelo lwabasakhulayo olwe ‘The Connection’ sixoxa labasakhulayo abakhethwe ezikhundleni zobukhokheli emhlanganweni omkhulu owebandla eliphikisayo eleMDC ekhokhelwa nguMnu.Nelson Chamisa, oweCongress. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG