amalinks wokungena

Breaking News

Inhloko ZeNdaba Nkwenkwezi 28, 2021


Sebesedlula inkulungwane ezingamakhulu ayisithupha- 648,121, asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amathathu-305,268, asebehlatshwe ijekiseni yesibili, kubika abogatsha lwezempilakahle.

Uhulumende usethule umthetho ozakwenza kube licala ukuthi amabhanga labosomabhizimusi abaphathisa uzulu ukuthola imali yakwamanye amazwe, ngaphandle komkhambo wemali,oweForeign Currency Auction.

Owalwa impi yenkululeko, uMnu. Frederick Mutanda, uthi uMongameli Emmerson Mnangagwa lezinye iziphathamandla zikahulumende lezebandla leZanu PF, yibo abathume abasakhulayo ukuthi bemkhahlameze epulazini lakhe eMashonaland West kulandela ukuphikisa kwakhe ukuba kwengezwe iminyaka emihlanu yokuthi umahluli omkhulu welizwe, uChief Justice Luke Malaba, ahlale esikhundleni okweminyaka emihlanu.

Kuliviki kuhlelo Woza Friday silomculi wengoma zomdumo owe Hip Hop, uWarren Moyo odume ngegama lokuthi Rocky Doub ecula eko Bulawayo.

Ku Livetalk namhlanje sikhangela ukuqhubeka kohlelo lokuhlatshwa kwabantu ijekiseni yokuzivikela kuCovid 19, eye Vaccine eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG