amalinks wokungena

Breaking News

Inhloko zeNdaba Nkwenkwezi 29, 2019


Inhloko ZeNdaba

Endabeni zethu lamhlanje ……………..

*****Abasakhulayo bemazweni angezansi yezwekwazi le Africa, akumanyano owe SADC, bakhuthaza ohulumende emazweni abo ukuba balondoloze amalungelo oluntu, banikeze intsha amathuba wokuhlela elakusasa labo ngokukhulumisana labo lapho kuqoqwa inhlelo lemithetho yentuthuko.

********** Abamabandla ezokholo ehlukeneyo koByo lamhlanje babuthene emzini kamuyi uDr Dumiso Dabengwa bezokwenza umthandazo wokududuza izihlobo labangane.

******** Abenhlanganiso zamalungelo oluntu bathi uhulumende kumele atshiyane lomkhuba wokubopha mahlayana abalwela amalungelo oluntu ngoba belendima eqathakelileyo abayidlalayo empilweni lekubusweni kwelizwe.

******** Izizalwane zeZimbabwe esezihlala kweleNgilandi ezigoqela abalwa impi yenkululeko bekuviyo lebutho eleZipra, lenkokheli yenhlanganiso ezitshiyeneyo bathi bemukele ngoudana okukhulu imfa kaDr Dumiso Dabengwa.

********** KuLiveTalk namuhla kuhlelo lwabasakhulayo olwe ‘Diaspora Forum’ sizakhangela okwenzakale embukisweni wabosomabhizimusi lokuzilibazisa kwabeZimbabwe asebehlala eMelika owe ZimExpo walonyaka. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG