Ebantwini abahlolwe izolo, batholakala belegcikwane leCovid 19, eZimbabwe, bakhuphule inani lasebelaleli gcikwane elizweni, laya kwabalikhulu lamatshumi phose amahlanu-149.
UMahluli womthethwandaba waphezulu oweHigh Court, uChief Justice Tawanda Chitapi, wethula isinqumo kungxabano yokufuthelana okusebandleni eliphikisayo eleMDC, phakathi kukaMnu. Nelson Chamisa Nkosazana Thokozani Khuphe.
Abalwela amalungelo okulondolozwa kwezemvelo babika ngokuqonga kwezehlakalo zokutshabalaliswa kwezidalwa zasendle, ngalesi sikhathi ilizwe liphansi kweziqondiso zeLockdown, emizameni kahulumende yokuvimba ukumemetheka kweCoronavirus.
Abanye abeZimbabwe kweleBotswana sebehlalele evalweni kulandela isinqumo sikahulumende walelozwe esokuthi kusungulwe umthetho wokuthi amanye amabhizimusi atshiyelwe izizalwane zakweleBotswana kuphela, angabi labokuza.
KuWoza Friday liviki silomculi opheka njalo acule umdulo weHouse, uSimbarashe Kodzai, owazakala ngegama lakhe lokucula uK.O.D.
Abenhlanganiso ye Zifa bathi isizini yomdlalo wenguqu isizahle ihambelane leyamanye amazwe yona eqala ngenyanga Ncwabakazi isiyaphela ngenyanga kaNkwenkwezi ngomnyaka olandelayo.
Ku Livetalk namhlanje kuhlelo siqhubekela phambili sikhangela umonakalo osudalwe yikuqhamuka kweCoronavirus.