Ezinye izibhedlela kazisela majekiseni e Covid-19 ngesikhathi uzulu efuna ukuhlatshwa. Ngesikhathi abantu sebephose bafike inkulungwane ezingamakhulu ayisikhombisa- 670,755, asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele njalo sebezinkulungwane ezingamakhulu edlula amathathu-341,218, asebehlatshwe ijekiseni yesibili.
Abafundi ezikolo zeGwanda babiselwe emakhaya lamhlanje ngenxa yodubo lwamanzi kulandelwa ukuvalwa kwamagetsi eZinwa ngenxa yesikwelede.Esibhedlela esikhulu seGwanda abagula belaliswe kulesisibhedlela balakho ukubiselwa emakhaya nxa loludubo lwamanzi lungalungiswanga.
Udaba lwentathelizindaba ebotshwe ngeviki edluleyo phezu kodaba lokuphathisa intathelizindaba zeleMelika ukuthi zingene elizweni ngokungekho emthethweni, uJeffery Moyo, luqhubekele phambili emthethwandaba namuhla.
EleSouth Africa selingene kulockdown level 2 kulandela ukuqansa lakhulu kwenani lalabo abahlaselwa yicoronavirus.
Abanye abeZimbabwe kwele Botswana baphindela ekhaya ukuyathola ijekiseni yeCovid-19 bekhala ngokuthi kweleBotswana uhlelo lolu luhamba ngonyawo lonwabu.
Ku Livetalk namhlanje sikhangela ukuqhubeka kohlelo lokuhlatshwa kwabantu ijekiseni yokuzivikela kuCovid 19, eye Vaccine eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.