amalinks wokungena

Breaking News

Inhloko ZeNdaba Nkwenkwezi 5, 2021


Seliphezu kwenkulungwane ezingamakhulu amane- 452,191, inani labantu asebenelise ukuhlatshwa ijekiseni yakuqala eyeCovid 19 Vaccine, eZimbabwe.

Ikomishini kahulumende ebona ngezokhetho eyeZimbabwe Electoral Commission-ZEC, isisungule uhlelo lokwehlukanisa izigaba ezokhetho. Lolu luhlelo olwenziwa ngemva kweminyaka elitshumi eZimbabwe ngakhoke abantu kumele babhalise ukuvota ukuze kungehlisi inani lezigaba.

Izizalwane zeZimbabwe ezidabuka kweleMandebeleni zihlanganyele lezakwaZulu eJohannesburg namhlanje bevalelisana leNdlovukazi ebibambe isikhundla senkosi yakwaZulu uShiyiwe Mantfombi Dlamini Zulu ngesikhathi esesiya Kwazulu lapho azangcwatshwa khona kusasa.

Abenhlanganiso ebona ngezokuthuthukisa impilo yezakhamizi, eyeNjube Lobengula Constituency Committee, yakoBulawayo, basungule uhlelo olujonge ukuthuthukisa abasakhulayo abaswelayo ngokubahlawulela indleko zemfundo.

Bayakhala abantu ngokubhubha kuka Mike Ndubiwa, owayengumabhalane omkhulu wedolobho lako Bulawayo.

Ku Livetalk namhlanje kuhlelo lwabatsha olwe “Diaspora Forum” sikhangela okwenziwa yizizalwane ze Zimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG