Abogatsha lwezempilakahle babika ukuba lokhu lisehla inani labantu asebehlolwa betholakala beleCovid 19 eZimbabwe, kodwa kuqonga inani lasebesiza hlatshwa ijekiseni lokuzivikela kuleli gcikwane, eleVaccine. Kunje seliphezu kwenkulungwane ezingamakhulu amane elengxenye- 461,023, inani labantu asebenelise ukuhlatshwa ijekiseni yakuqala eyeCovid 19 Vaccine.
Abesifazana abaphatheka kwezombusazwe eZimbabwe baveza imibono yabo etshiyeneyo ngokuguqulwa kwesisekelo sombuso, emthethweni osuphasiswe edale lepahalamende eleHouse of Assembly lakuSenate, oweConstitutional Amendment Bill number 2. Abesifazana laba bathi linguquko iyapha ngesinye isandla iphinde ithathe ngesinye njalo.
Abenhlanganiso ezizimeleyo ezigoqela abe Zimbabwe Human Rights NGO Forum, Zimbabwe Human Rights Association, Zimbabwe Peace Project
baqoqe umhlangano wokuhlaziya ngeConstitutional Amendment Bill number 2, owenzelwa ebulenjini enkundleni eyeZoom.
Inengi labazali litshayela uhulumende ihlombe ngokuthatha isinqumo sokuthi abantwana besikolo bephiwe impumela yemihloliso yabo lanxa bengabhadalanga imbadalo yama school fees.
Ku Livetalk namhlanje kuhlelo “Asiyihluzeni bomama” sikhangela okwenziwa ngabesifazana ukumelana leCovid 19 kanye lemibono yabo ngenguquko enziwa isisekelo sombuso eyeConstitutional Amendment Number 2.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.