amalinks wokungena

Breaking News

Inhloko ZeNdaba Ntulikazi 07, 2020


Inani lasebetholakale belegcikwane leCovid 19, eZimbabwe, ngokutshona kwelanga langoMvulo, likhuphuke laya kwabangangamakhulu edlula ayisikhombisa-734.

Umongameli Emmerson Mnangagwa lomkhokheli welinye lamacele e MDC uNkosazana Thokozani Khuphe bamanyana lozulu weZimbabwe ukukhalela imuli yakoChamisa ngemva kokubhubha kukaGogo Chamisa, unina womkhokheli weMDC Alliance, uMnu. Nelson Chamisa izolo emini yantambama emzini wakhe koGutu.

Izizalwane zeZimbabwe zamukela ngemibono etshiyeneyo umkankaso kamhla ka 31 Ntulikazi, wokukhuthaza uzulu ukuba angene ezitaladeni etshengisela insolo yakhe ngokonakala kwesimo somnotho welizwe kanye lesombusazwe.

Ukukhalala umsebenzi kwabongi bekhala ngeholo eliphansi kuyaqhubeka ngesikhathi uzulu weZimbabwe laye esithi kasenelisi ukuphila ngenxa yokonakala komnotho. Ngakolunye uhlangothi, inhlanganiso yeParis Club isiyale ukukweledisa uhulumende weZimbabwe isithi kumele ahloniphe amalungelo oluntu kuqala.

Ku Livetalk namhlanje kuhlelo lwabatsha olwe “The Connection” sikhangela umkhankaso wokukhuthaza uzulu weZimbabwe ukuthi angene ezitaladeni etshengisela insolo yakhe ngokonakala kwesimo somnotho welizwe lesombusazwe.

Facebook Forum

XS
SM
MD
LG