amalinks wokungena

Breaking News

Inhloko ZeNdaba Ntulikazi 07, 2021


Abogatsha lwezempilakahle babika ukuba ngokutshona kwelanga layizolo, abantu abaphose bafike inkulungwane ezimbili-1,949, batholakale beleCovid 19, leli gcikwane labulalala abangamatshumi amabili lathobaminwe mibili-28.

Sebesedlula kancane inkulungwane ezingamakhulu athobaminwemibili- 807,633, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane phose amakhulu ayisithupha-574,934, asebehlatshwe ijekiseni yesibili kubika abogatsha lwezempilakahle.

Abakhankasela ukuqedwa kwenkohlakalo elizweni bathi abebutho eZimbabwe akumelanga bangenele kundaba zomnotho welizwe njalo bathi uzulu kumele alwisane lenkohlakalo engelakwesaba. Lokhu kuphume emhlanganweni oqhutshelwe enkundleni yeInternet izolo obuhlaziya ugwalo olwethulwe yinhlanganiso yeThe Sentry, yona ethi usomabhizimusi olodumo uMnu Kudakwashe Tagwirei uphatheke kumisebenzi yenkohlakalo esebenzelana lohulumende.

Luyaqhubeka uhlupho lokusilela kwemota zokuhambisa emadolobheni kulandela ukuqonga kwembadalo yamabhasi lemitshova yeZUPCO.

Ingcitshi kwezomthetho zithi kufanele kusiyatshaya ihola letshumi lambili phakathi kobusuku lamhlanje owayengumongameli uJacob Zuma esebotshiwe wasiwa ejele ukuyapika ngesigwebo asiphiwayo sokweyisa umthethwandaba.

Inhlanganiso yeSADC ibuzwa imbuzo kulokukhathazeka ukuthi kulokhetha inhlangothi ekugxazululeni ingxaki ezibhekane lamazwe angaphansi kwenhlanganiso le. EleZimbabwe, eleBotswana kanye leSouth Africa zikukhomithi ehamba phambili kumizamo yokuletha ukuthula amazweni eMozambique kanye le Eswatini.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala emazweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG