amalinks wokungena

Breaking News

Inhloko ZeNdaba Ntulikazi 09, 2021


ICoronavirus ilokhu isidla ibhedu eZimbabwe, kunje ibulele abantu abangamatshumi amahlanu lasithupha-56, ngokutshona kwelanga layizolo kuphela. Kuthi abantu abazinkulungwane ezedlula ezimbili-2,156, batholakale belegcikwane leli. kubika abogatsha lwezempilakahle.

Sebesedlula kancane inkulungwane ezingamakhulu athobaminwemibili- 848,808, abantu asebenelise ukuhlatshwa ijekiseni yakuqala eyeCovid 19 Vaccine, eZimbabwe jikelele, njalo sebezinkulungwane phose amakhulu ayisithupha-584,770, asebehlatshwe ijekiseni yesibili kubika abogatsha lwezempilakahle.

Isabelo seMatabeleland North sithole amajekiseni azinkulungwane ezilitshumi lanhlanu-15,000 aweCovid 19 Vaccine njalo sikhangelelwe ukwengezelelwa amanye. Amajekiseni la asiwe endaweni lapho umkhuhlane obhahe khona ezigoqela iLupane, Binga, Hwange leNkayi.

Inhlanganiso yeIbhetshu likaZulu ithi kulusizi ukuthi abantu abanengi abaphatheka kumbhuqazwe weGukurahundi bayafa betshiya udaba lolu lolokhe lungakalungisiswa. Linhlanganiso yethule lumbiko kulandela ukubhubha komkhulu wamabutho uMnu Edzai Chimonyo, owayengukhomanda weFifth Brigade.

Inkantolo yeHigh Court isilahle isicelo sika Mnu. Jacob Zuma, owayengumongameli wakwele South, ukuba engavalelwa entilongweni. Lokhu kwenzakala ngesikhathi sokuqhamuke udlakela Kwazulu Natal okulabanye abantu abathi kumele uZuma akhululwe entilongweni.

Kuliviki kuhlelo Woza Friday silomculi wengoma zokholo uSthandwa Ncube-Tigere odabuka koBulawayo. USthandwa kulezinsuku ucula ese New York kweleMelika.

Ku Livetalk namhlanje sikhangela ukuqansa kwenani lasebebulawa lokubanjwa bele Covid 19 eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG