amalinks wokungena

Breaking News

Inhloko Zendaba Ntulikazi 10, 2018


Inhloko ZeNdaba

Endabeni zethu lamhlanje ……………..

********** Lanxa abakubutho belandula imibiko ethi bakhona abanye babo abaphatheke kwezombusazwe, inhlolisiso eyenziwe ngabenhlanganiso ecubungula ngezombusazwe eye Zimbabwe Democracy Institute ( ZDI) ithi ngempela bakhona abakwenzayo ikakhulu ezigabeni lapho okwaxotshwa khona abantu abanengi abe G40 kuZanu PF.

************* Amapholisa aweZRP axwayisa abancintisayo kukhetho lwalonyaka ukuthi batshiyane lomkhuba wokudabulela abamanye amabandla ezombusazwe amaposters abo.

************* Udubo lokusilela kwemali eZimbabwe, lokhu luqhubekela phambili, lapho abanengi babikwa sebeyithenga lokuyithengisa ezithaladeni, pho amabhanga asasebenza na?

************* Abebandla lenkonzo eye United Methodist Church abadabuka e Ohio kweleMelika, sebethuthukise impilo yabantwana basemzini weKensington ngokubakhela isikolo esihle esilogetsi lesigaba sescience lab ese Emsizini Secondary School.

*********** Kwenziwa umhlangano wokukhumbula imsebenzi kamuyi owayengumkhokheli webandla eliphikisayo ele MDC oqhutshelwe ePretoria kweleSouth Africa owe Morgan Tsvangirai Legacy Seminar.

************* Kwezemidlalo……umncintiswano womdlalo wenguqu wamazwe womhlaba owe 2018 FIFA World Cup ungena esigabeni esama semi - finals ngoLwesibili ntambama kunqikilana omakhelwane ele France lele Belgium.

********** KuLiveTalk kuhlelo lwabasakhulayo olwe “The Connection” sixoxa labancintisayo kukhetho lwalonyaka sibapha ithuba lokuchasisa abakuthembisa uzulu nxa benqoba ekhethweni. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokukhulumisana lokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Inhloko ZeNdaba ZesiNdebele, 10 Ntulikazi, 2018
please wait

No media source currently available

0:00 0:02:41 0:00

Facebook Forum

XS
SM
MD
LG